BE.163 Logu no.75
JESUS HINAPOSAN NI

Ayat 1
Laos dijalo Jesus i Do pardosa na tarilu.
Sai paboa Hata i Tu saluhut i na lilu.
Asa sasude na ro Dipangolu Jesus do.

Ayat 2
Asi ni rohana i Pinarbaga ni hataNa
Dohot hangoluan i Salelengna di lambungna
Saluhut na i na ro Dipangolu Jesus do.

Ayat 3
Dilului parmahan i Dorbiana, molo lilu;
Burjuan do Jesus i Manjalahi na tarilu
Asa unang mago i Dipangolu Jesus i

Ayat 4
Ro ma sasude hamu Ro ma hamu Na marsak roha
Jesus do manjou hamu Asa mulak tu Jahowa
Unang so porsea ho Dipangolu Jesus do.

Ayat 5
Au na marsak roha i, Ro tu tu Ho, haporusanku
Manopoti dosangki Sesa ma sude utangku
Hata on mangapul au Dipangolu Jesus au.

Ayat 6
Nang jorbut pe dosangki Laos gumogo do mudarMu
Tau manesa utangki Mangurasi pe rohangku
Ai hudok marningot Ho Dipangolu Jesus do.

Ayat 7
Ndang huhabiari be Pangaluan ni si Musa
Ai Sitahan utangki Do manggarar saluhutna
Ndang be hona toru au Dipangolu Jesus au.

Ayat 8
Jesus, Sipangolu i Na mangungkap pardamean
Ara au tu lambungMi Ia jumpang hamatean
Laos hudok mamuji Ho Dipangolu Jesus do.
